Malayalam Sports News Updates from India, Kerala with live Updates and Full Coverage with HD Photos and Videos | കായിക വാർത്തകൾ | Manorama Online

ADVERTISEMENT

3 ദിവസത്തിനിടെ തിരുത്തിയത് നീന്തലിലെ 2 ലോക റെക്കോർഡുകൾ; വിസ്മയിപ്പിച്ച് കാനഡ‍യുടെ കൗമാര താരം

വിക്ടോറിയ ∙ 3 ദിവസത്തിനിടെ നീന്തലിലെ 2 ലോക റെക്കോർഡുകൾ തിരുത്തിയെഴുതി കാനഡ‍യുടെ കൗമാര വിസ്മയം സമ്മർ മക്കിന്റോഷ്. കഴിഞ്ഞ ദിവസം 400 മീറ്റർ വനിതാ ഫ്രീസ്റ്റൈലിൽ ലോക റെക്കോർഡ് കുറിച്ച (3:54.18 മിനിറ്റ്) മക്കിന്റോഷ് ഇന്നലെ 200 മീറ്റർ മെഡ്‌ലെ റിലേയിലും റെക്കോർഡ് തിരുത്തി (2:05:07 മിനിറ്റ്). ഹംഗറിയുടെ മുൻ ലോക ചാംപ്യൻ കാറ്റിൻക ഹോസു ഒരു പതിറ്റാണ്ട് മുൻപ് സ്ഥാപിച്ച റെക്കോർഡാണ് ഇന്നലെ കനേഡ‍ിയൻ സ്വിമ്മിങ് ട്രയൽസ് മത്സരത്തിലൂടെ മക്കിന്റോഷ് തകർത്തത്. 800 മീറ്റർ ഫ്രീസ്റ്റൈലിലും സ്വർണം നേടിയ താരത്തിന് നേരിയ വ്യത്യാസത്തിലാണ് ഈ വിഭാഗത്തിലെ ലോക റെക്കോർഡ് നഷ്ടമായത്. കഴിഞ്ഞവർഷത്തെ പാരിസ് ഒളിംപിക്സിൽ 3 വ്യക്തിഗത സ്വർണവും ഒരു വെള്ളിയും നേടിയാണ് മക്കിന്റോഷ് നീന്തൽക്കുളത്തിലെ വിസ്മയമായത്.
പ്രൈം വോളിബോൾ ലീഗ് നാലാം സീസൺ; താരലേത്തിൽ മിന്നിത്തിളങ്ങി ജെറോം വിനീത്, 22.5 ലക്ഷം രൂപയ്ക്ക് ചെന്നൈ ബ്ലിറ്റ്സിൽ

കോഴിക്കോട് ∙ പ്രൈം വോളിബോൾ ലീഗ് നാലാം സീസൺ താരലേത്തിൽ മിന്നിത്തിളങ്ങി ജെറോം വിനീത്. ഇന്നലെ കോഴിക്കോട് റാവിസ് കടവ് റിസോർട്ടിൽ നടന്ന താരലേലത്തിൽ ഏറ്റവും ഉയർന്ന തുകയായ 22.5 ലക്ഷം രൂപയ്ക്ക് ജെറോം വിനീതുമായി ചെന്നൈ ബ്ലിറ്റ്സ് കരാർ ഒപ്പിട്ടു. ചെന്നൈ ബ്ലിറ്റ്സ്, ബംഗളൂരു ടോർപിഡോസ്, കൊൽക്കത്ത തണ്ടർബോൾട്ട്സ്
പ്രൈം വോളി: ജെറോം വിനീത്, ഷമീം, വിനീത് കുമാർ വിലയേറിയ താരങ്ങൾ

പ്രൈം വോളിബോൾ ലീഗ്‌ നാലാം സീസണിലെ വിലയേറിയ താരങ്ങളായി ജെറോം വിനീതും ഷമീമുദീനും വിനീത്‌ കുമാറും. താരലേലത്തിൽ മൂവർക്കും 22.5 ലക്ഷം രൂപ വീതം ലഭിച്ചു. ജെറോമിനെ ചെന്നൈ ബ്ലിറ്റ്‌സ്‌ സ്വന്തമാക്കിയപ്പോൾ മലപ്പുറം പരപ്പനങ്ങാടി സ്വദേശിയായ ഷമീം കാലിക്കറ്റ്‌ ഹീറോസിന്റെ ഭാഗമായി.
തയ്‌വാനിൽ തങ്കത്തിളക്കം, ഇന്ത്യയ്ക്ക് 12 സ്വർണം, ട്രിപ്പിൾ ജംപിൽ അബ്ദുല്ല അബൂബക്കറിന് സ്വർണം

തയ്‌വാൻ ഓപ്പൺ അത്‌ലറ്റിക്സിൽ ഇന്ത്യൻ തേരോട്ടം. 6 സ്വർണവും 3 വെള്ളിയും ഒരു വെങ്കലവുമടക്കം 10 മെഡലാണ് ചാംപ്യൻഷിപ്പിന്റെ അവസാന ദിനമായ ഇന്നലെ ഇന്ത്യ നേടിയത്. ഇതോടെ ഇന്ത്യയുടെ ആകെ നേട്ടം 12 സ്വർണമടക്കം 16 മെഡലായി. ആദ്യ ദിനം ഇന്ത്യ 6 സ്വർണം നേടിയിരുന്നു. രോഹിത് യാദവ് (പുരുഷ ജാവലിൻ ത്രോ), വിദ്യ രാംരാജ് (വനിതാ 400 മീറ്റർ ഹർഡിൽസ്), പൂജ (വനിതാ 800 മീറ്റർ), ക്രിഷൻ കുമാർ (പുരുഷ 800 മീറ്റർ), അന്നു റാണി (വനിതാ ജാവലിൻത്രോ) എന്നിവരാണ് ഇന്നലെ സ്വർണം നേടിയത്.
ഗുകേഷിനെ കീഴടക്കി നകാമുറ

സ്റ്റവാങ്ങീ‍ർ (നോർവേ) ∙ ഇന്ത്യൻ ഗ്രാൻഡ്മാസ്റ്റർ ഡി.ഗുകേഷിന്റെ ക്ലാസിക്കൽ ചെസിലെ ജൈത്രയാത്രയ്ക്കു താൽക്കാലിക വിരാമം. 8–ാം റൗണ്ട് മത്സരത്തിൽ അമേരിക്കൻ ഗ്രാൻഡ്മാസ്റ്റർ ഹികാരു നകാമുറയോടു ഗുകേഷ് തോൽവി വഴങ്ങി. 3–ാം റൗണ്ട് മത്സരത്തിൽ നകാമുറയെ ഗുകേഷ് തോൽപിച്ചിരുന്നു. അതേസമയം, അർജുൻ എരിഗെയ്സി അമേരിക്കൻ ഗ്രാൻഡ്മാസ്റ്റർ ഫാബിയാനോ കരുവാനയെ തോൽപിച്ചു. വനിതകളിൽ സ്പാനിഷ് ഇന്റർനാഷനൽ മാസ്റ്റർ സാറ ഖാദേമിനെ തോൽപിച്ച ഇന്ത്യക്കാരി കൊനേരു ഹംപി പോയിന്റ് നിലയിൽ ഒന്നാം സ്ഥാനത്തു തിരിച്ചെത്തി (13.5 പോയിന്റ്).
സെൻട്രൽ ഏഷ്യ വോളി: ഇന്ത്യയ്ക്ക് വെള്ളി

ഉജ്വല വിജയങ്ങളുമായി ഫൈനലിലെത്തിയ ഇന്ത്യൻ പുരുഷ വോളിബോൾ ടീമിന് കലാശപോരാട്ടത്തിൽ കാലിടറി. സെൻട്രൽ ഏഷ്യ വോളിബോൾ അസോസിയേഷന്റെ നേഷൻസ് ലീഗ് ടൂർണമെന്റിന്റെ ഫൈനലിൽ ഇറാനാണ് ഇന്ത്യൻ ടീമിനെ തോൽപിച്ചത് (17–25, 20–25, 19–25). പാക്കിസ്ഥാനാണ് വെങ്കലം.
ADVERTISEMENT

Skip ads. Subscribe now.
ഇന്തൊനീഷ്യ ഓപ്പൺ: പി.വി.സിന്ധുവും സാത്വിക്– ചിരാഗ് ഡബിൾസ് സഖ്യവും പ്രീക്വാ‍ർട്ടറിൽ, പ്രണോയ് പുറത്ത്

ജക്കാർത്ത ∙ പി.വി.സിന്ധുവും സാത്വിക്– ചിരാഗ് ഡബിൾസ് സഖ്യവും ഇന്തൊനീഷ്യ ഓപ്പൺ ബാഡ്മിന്റണിന്റെ പ്രീക്വാർട്ടറിൽ. സിന്ധു ജപ്പാന്റെ നസോമി ഒകുഹാരയെ (22-20, 21-23, 21-15) തോൽപിച്ചപ്പോൾ സാത്വിക് സായ്‌രാജ് രങ്കിറെഡ്ഡി– ചിരാഗ് ഷെട്ടി സഖ്യം ഇന്തൊനീഷ്യയുടെ ലിയോ കർണാൻഡോ– ബാഗസ് മൗലാന സഖ്യത്തെ തോൽപിച്ചു (18-21, 21-18, 21-14).
ഇന്ത്യ – പാക്ക് അതിർത്തി സംഘർഷത്തെത്തുടർന്നു മാറ്റിവച്ചു; നീരജ് ചോപ്ര ജാവലിൻ ത്രോ ‌ ചാംപ്യൻഷിപ് ജൂലൈ 5ന്

ബെംഗളൂരു ∙ ഇന്ത്യ – പാക്കിസ്ഥാൻ അതിർത്തി സംഘർഷത്തെത്തുടർന്നു മാറ്റിവച്ച നീരജ് ചോപ്ര ക്ലാസിക് ഇന്റർനാഷനൽ ജാവലിൻ ത്രോ മത്സരം ജൂലൈ 5ന് ബെംഗളൂരു കണ്ഠീരവ സ്റ്റേഡിയത്തിൽ നടക്കും. വേൾഡ് അത്‍ലറ്റിക്സ് എ കാറ്റഗറി പദവി ലഭിച്ച മത്സരത്തിൽ ബ്രസീൽ, ജപ്പാൻ, ശ്രീലങ്ക, കെനിയ, ജർമനി, ഗ്രനഡ എന്നീ രാജ്യങ്ങളിൽ നിന്നുള്ള 7 താരങ്ങളും 5 ദേശീയ താരങ്ങളും പങ്കെടുക്കും.
മാഗ്നസ് കാൾസനു പിന്നാലെ അർജുൻ എരിഗെയ്സിയെയും വീഴ്ത്തി ഗുകേഷിന്റെ മധുര പ്രതികാരം; രണ്ടാമത്

സ്റ്റവാങ്ങീർ (നോർവേ) ∙ ലോക ഒന്നാം നമ്പർ മാഗ്നസ് കാൾസനു പിന്നാലെ ഇന്ത്യൻ ഗ്രാൻഡ്മാസ്റ്റർ അർജുൻ എരിഗെയ്സിയെയും തോൽപിച്ച് നോർവേ ഓപ്പൺ ചെസിൽ ലോകചാംപ്യൻ ഡി. ഗുകേഷ് കുതിപ്പു തുടരുന്നു. ക്ലാസിക്കൽ ചെസിൽ അർജുനെതിരെ ഗുകേഷിന്റെ ആദ്യ വിജയമാണിത്. നോർവേ ചെസിന്റെ രണ്ടാം റൗണ്ടിൽ അർജുനോടു തോറ്റ ഗുകേഷിന്റെ മധുരപ്രതികാരവുമായി ഇത്.
സെൻട്രൽ ഏഷ്യ വോളിബോളിൽ ഉസ്ബെക്കിസ്ഥാനെയും പാക്കിസ്ഥാനെയും തോൽപിച്ചു; ഇന്ത്യ ഫൈനലിൽ

ഫെർഗാന (ഉസ്ബെക്കിസ്ഥാൻ) ∙ സെൻട്രൽ ഏഷ്യ വോളിബോൾ അസോസിയേഷന്റെ (കാവാ) നേഷൻസ് ലീഗ് ചാംപ്യൻഷിപ്പിൽ തുടർച്ചയായ നാലാം ജയത്തോടെ ഇന്ത്യൻ പുരുഷ ടീം ഇന്ത്യ ഫൈനലിൽ. കഴിഞ്ഞദിവസം നിലവിലെ ചാംപ്യൻമാരായ പാക്കിസ്ഥാനെ 3–0ന് കീഴടക്കിയ ഇന്ത്യ ഇന്നലെ അവസാന ഗ്രൂപ്പ് മത്സരത്തിൽ വീഴ്ത്തിയത് കരുത്തരായ കസഖ്സ്ഥാനെ.
ഒറ്റച്ചിറകിൽ പറന്ന് ലോക സ്വർണം; ലോക പാരാ അത്‍ലറ്റിക്സ് ഗ്രാൻപ്രിയിൽ മലയാളിക്ക് സുവർണ നേട്ടം

തിരുവനന്തപുരം ∙ തോൽക്കാത്ത മനസ്സുമായി ഒറ്റച്ചിറകിൽ പറന്ന മുഹമ്മദ് ബാസിലിന് ലോക പാരാ അത്‍ലറ്റിക്സ് ഗ്രാൻപ്രിയിൽ സ്വർണം. പാരിസിൽ നടക്കുന്ന ചാംപ്യൻഷിപ്പിൽ കൈയ്ക്കു പരിമിതിയുള്ളവരുടെ വിഭാഗത്തിൽ (ടി 47) 100 മീറ്ററിലാണ് (11.06 സെക്കൻഡ്) മലപ്പുറം വെളിയങ്കോട് സ്വദേശിയായ ബാസിൽ ജേതാവായത്. തിരുവനന്തപുരം മാർ ഇവാനിയോസ് കോളജിലെ ഡിഗ്രി വിദ്യാർഥിയാണ്.
മുൻ രാജ്യാന്തര ബാസ്കറ്റ്ബോൾ താരം മുഹമ്മദ് ഇക്ബാൽ ഓർമയായി; അന്ത്യം കൊച്ചിയിൽ, കബറടക്കം നടത്തി

കൊച്ചി∙ ഉയരക്കാരുടെ കളിയിൽ ഉയരങ്ങൾ കീഴടക്കിയ മുൻ ഇന്ത്യൻ ബാസ്കറ്റ്ബോൾ താരം കൊച്ചി മാടവന പനക്കപ്പറമ്പ് മുഹമ്മദ് ഇക്ബാൽ (74) ഇനി ഓർമ. 1969ൽ ഇന്ത്യൻ ഓൾ സ്റ്റാർ ബഹുമതി നേടി ദേശീയതലത്തിൽ ശ്രദ്ധേയനായ ഇക്ബാലിന്റെ വിയോഗം ഇന്നലെ പുലർച്ചെ കൊച്ചിയിലെ സ്വകാര്യ ആശുപത്രിയിലായിരുന്നു. മൂന്നു ദിവസമായി ചികിത്സയിലായിരുന്നു. നെസ്റ്റ് ഗ്രൂപ്പ് ഓഫ് കമ്പനീസ് ഡയറക്ടറായിരുന്നു. കബറടക്കം നടത്തി.
സ്പാനിഷ് ഗ്രാൻപ്രിയിൽ മക്‌ലാരന്റെ ഓസ്ട്രേലിയൻ ഡ്രൈവർ ഓസ്കർ പിയാസ്ട്രി ജേതാവ്; നോറിസ് രണ്ടാമത്

ഫോർമുല വൺ കാറോട്ട മത്സരത്തിലെ സ്പാനിഷ് ഗ്രാൻപ്രിയിൽ മക്‌ലാരന്റെ ഓസ്ട്രേലിയൻ ഡ്രൈവർ ഓസ്കർ പിയാസ്ട്രി ജേതാവ്. പോൾ പൊസിഷനിൽ മത്സരം ആരംഭിച്ച പിയാസ്ട്രി ഒന്നാമതായി ഫിനിഷ് ചെയ്തപ്പോൾ മക്‌ലാരനിലെ സഹതാരം ലാൻഡോ നോറിസ് രണ്ടാമതെത്തി.
കേരള ബാസ്കറ്റ്ബോൾ അസോസിയേഷൻ: ജേക്കബ് ജോസഫ് പ്രസിഡന്റ്, പി.സി. ആന്റണി സെക്രട്ടറി

കോട്ടയം ∙ കേരള ബാസ്കറ്റ്ബോൾ അസോസിയേഷൻ പ്രസിഡന്റായി ജേക്കബ് ജോസഫിനെയും സെക്രട്ടറിയായി പി.സി.ആന്റണിയെയും തിരഞ്ഞെടുത്തു. മറ്റു ഭാരവാഹികൾ: ശിഹാബ് നീറുങ്കൽ (സീനി. വൈ. പ്രസി), പി. ജോയ്മോൻ, ഷാജി ജേക്കബ് പടിപ്പുരയ്ക്കൽ, ഡോ.രാജു ഡേവിസ് പേരപ്പാടൻ, ഡോ. പ്രിൻസ് കെ.മറ്റം (വൈ. പ്രസി), എ.കെ.മാത്യു, റോണി മാത്യു, ജോർജ് സക്കറിയ, ജോസ് സെബാസ്റ്റ്യൻ, ജസീം മാളിയേക്കൽ (അസോഷ്യേറ്റ് സെക്ര), ഡി.ഷാജു (ട്രഷ).
ക്ലാസിക്കൽ ഗെയിമിൽ ആദ്യമായി ലോക ഒന്നാം നമ്പർ താരം കാൾസനെ വീഴ്ത്തി ഗുകേഷ്; മേശയിൽ ആഞ്ഞിടിച്ച് കലിപ്പ് തീർത്ത് കാൾസൻ – വിഡിയോ

സ്റ്റവാങ്ങീർ (നോർവേ) ∙ നോർവേ ചെസിൽ ലോകചാംപ്യൻ ഡി. ഗുകേഷിനോടു തോറ്റതിന്റെ നിരാശയിൽ മേശയിൽ ആഞ്ഞിടിച്ച് നിലവിലെ ചാംപ്യനും ഒന്നാം നമ്പർ താരവുമായ മാഗ്‌നസ് കാൾസൻ. ഗുകേഷിനെതിരെ തോൽവി ഉറപ്പായതോടെയാണ്, ഹസ്തദാനത്തിനു മുൻപേ മേശയിൽ ആഞ്ഞിടിച്ച് കാൾസൻ കലിപ്പ് തീർത്തത്. തുടർന്ന് ഗുകേഷിന് ഹസ്തദാനം നൽകി ഇരിപ്പിടത്തിൽനിന്നും എഴുന്നേറ്റു പോയി. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വലിയതോതിൽ വൈറലാവുകയും ചെയ്തു.
നീരജ് ചോപ്ര ഇല്ലെങ്കിലെന്താ, പാക്കിസ്ഥാന്റെ ഒളിംപിക് ചാംപ്യനെ വിറപ്പിച്ച് ഇന്ത്യയുടെ പുതിയ ജാവലിൻ വിസ്മയം- വിഡിയോ

കുമീ (ദക്ഷിണ കൊറിയ)∙ ഏഷ്യൻ അത്‌ലറ്റിക് ചാംപ്യൻഷിപ്പിന്റെ അവസാന ദിനം ജാവലിൻ ത്രോയിൽ വിസ്മയക്കുതിപ്പുമായി ഇന്ത്യയുടെ യുവതാരം സച്ചിൻ യാദവ്. നീരജ് ചോപ്രയുടെ പിൻമാറ്റത്തോടെ ഇന്ത്യയ്ക്ക് പ്രതീക്ഷ നഷ്ടമായ ജാവലിൻ ത്രോയിൽ, നീരജിനൊത്ത പിൻഗാമിയാണ് താനെന്ന പ്രഖ്യാപനത്തോടെയാണ് സച്ചിൻ യാദവ് വെള്ളി മെഡൽ
സ്നേഹവലയമൊരുക്കി സുഹൃത്തുക്കൾ, ഔദ്യോഗിക ജീവിതത്തിൽനിന്ന് ഷൈനി വിൽസൺ പടിയിറങ്ങി; ഷൈനിങ് ഓഫ്!

ചെന്നൈ ∙ വാശിയേറിയ മത്സരത്തിൽ ഒന്നാമതെത്തുമ്പോഴൊക്കെ ഷൈനി വിൽസൺ കേട്ടിരുന്ന അതേ കയ്യടി ഒരിക്കൽ കൂടി അതേ താളത്തിലും വേഗത്തിലും ഉയർന്നു കേട്ടു. മൈതാനങ്ങളിൽ ഒപ്പമുണ്ടായിരുന്നവരും ഒന്നിച്ച് ഓടിയവരുമെല്ലാം ചുറ്റും നിന്ന് ആശ്ലേഷിച്ച് സ്നേഹത്താൽ വീ‍ർപ്പുമുട്ടിച്ച് ആശംസകളേകി. 4 ഒളിംപിക്സുകളിൽ തുടർച്ചയായി മത്സരിച്ച ആദ്യ മലയാളി, ഒളിംപിക്സിൽ ഇന്ത്യൻ സംഘത്തെ നയിച്ച് ദേശീയ പതാകയേന്തിയ ആദ്യ വനിത എന്നിവ അടക്കം ട്രാക്ക് നിറയെ നേട്ടങ്ങളുമായി 41 വർഷത്തെ ഔദ്യോഗിക ജീവിതം പൂർത്തിയാക്കിയ ഷൈനി ഫുഡ് കോർപറേഷൻ ഓഫ് ഇന്ത്യ (എഫ്സിഐ) ജനറൽ മാനേജർ പദവിയിൽ നിന്നു പടിയിറങ്ങി.
അവസാന ദിനം 3 വീതം വെള്ളിയും വെങ്കലവും, മെഡൽ പട്ടികയിൽ രണ്ടാമത്; ഏഷ്യൻ അത്‍ലറ്റിക്സിൽ ഇന്ത്യയ്ക്ക് സൂപ്പർ ഫിനിഷ്

കുമീ (ദക്ഷിണ കൊറിയ) ∙ സ്വർണം അകന്നുപോയെങ്കിലും ഏഷ്യൻ അത്‍ലറ്റിക്സിന്റെ അവസാന ദിനത്തിലും ഇന്ത്യൻ മെഡൽവേട്ടയ്ക്കു ശമനമുണ്ടായില്ല. ഇന്നലെ 3 വീതം വെള്ളിയും വെങ്കലവും നേടിയാണ് ഇന്ത്യൻ അത്‌ലീറ്റുകൾ ഏഷ്യൻ ചാംപ്യൻഷിപ്പിലെ മെഡൽ പോരാട്ടം അവസാനിപ്പിച്ചത്. 8 സ്വർണവും 10 വെള്ളിയും 6 വെങ്കലവുമടക്കം 24 മെഡലുകളുമായി ഇന്ത്യ രണ്ടാംസ്ഥാനം സ്വന്തമാക്കിയപ്പോൾ 15 സ്വർണമടക്കം 26 മെഡലുകൾ നേടിയ ചൈനയാണ് ഒന്നാമത്. 2023ലെ ചാംപ്യൻഷിപ്പിൽ 6 സ്വർണമടക്കം 27 മെഡലുകൾ നേടിയിരുന്ന ഇന്ത്യ ഇത്തവണ സ്വർണത്തിന്റെ തിളക്കം വർധിപ്പിച്ചു.
ഏഷ്യൻ അത്‍ലറ്റിക്സ് ചാംപ്യൻഷിപ്: 3 സ്വർണം കൂടി; ഇന്ത്യ കുതിക്കുന്നു

കുമീ (ദക്ഷിണ കൊറിയ) ∙ സ്വർണവേട്ടയ്ക്കൊപ്പം റെക്കോർഡുകളും തകർത്തു മുന്നേറിയ താരങ്ങളുടെ കരുത്തിൽ ഏഷ്യൻ അത്‍ലറ്റിക്സ് ട്രാക്കിൽ വീണ്ടും ഇന്ത്യൻ ആധിപത്യം. ഇന്നലെ 3 സ്വർണവും ഒരു വെള്ളിയും നേടിയതോടെ ഏഷ്യൻ മീറ്റിൽ ഇന്ത്യയുടെ മെഡൽനേട്ടം 18 ആയി. ചാംപ്യൻഷിപ് ഇന്നു സമാപിക്കാനിരിക്കെ മെഡൽ പട്ടികയിൽ ചൈനയ്ക്കു പിന്നിൽ രണ്ടാമതാണ് ഇന്ത്യ.
എന്നെന്നും ഷൈനിങ് സ്റ്റാർ!: ഒളിംപ്യൻ ഷൈനി വിൽസൺ ഇന്നു വിരമിക്കുന്നു

ചെന്നൈ ∙ ഔദ്യോഗിക ജീവിതത്തിന്റെ ട്രാക്കിൽനിന്ന് ഒളിംപ്യൻ ഷൈനി വിൽസൺ ഇന്നു വിരമിക്കുന്നു. ഫുഡ് കോർപറേഷൻ ഓഫ് ഇന്ത്യ (എഫ്സിഐ) ജനറൽ മാനേജർ പദവിയിൽ നിന്ന് വിരമിക്കുന്ന ഷൈനയുടെ യാത്രയയപ്പ് ചടങ്ങിൽ പങ്കെടുക്കാൻ, ട്രാക്കിലും ഫീൽഡിലും ഷൈനിക്ക് ഒപ്പമുണ്ടായിരുന്ന കായികതാരങ്ങൾ ഇന്നു ചെന്നൈയിലെത്തും. ‘ജീവിതത്തിൽ ഏറെ സന്തോഷവും സംതൃപ്തിയും തോന്നുന്ന നിമിഷങ്ങളാണ് ഇത്. വിരമിക്കുന്നതോടെ ചെന്നൈ വിടുകയാണ്. ഇനി കൊച്ചിയിലായിരിക്കും കുടുംബം’– ഷൈനി പറഞ്ഞു.
ഗുകേഷിന് ജന്മദിന മധുരം; വിജയം

സ്റ്റവാങ്ങീർ (നോർവേ) ∙ ജന്മദിനത്തിൽ വിജയവഴിയിൽ തിരിച്ചെത്തി ലോക ചാംപ്യൻ ഇന്ത്യയുടെ ഡി.ഗുകേഷ്. നോർവേ ചെസിന്റെ മൂന്നാം റൗണ്ടിൽ ലോക 2–ാം നമ്പർ അമേരിക്കയുടെ ഹികാരു നകാമുറയെ തോൽപിച്ചാണ് ഗുകേഷ് വിജയവഴിയിൽ തിരിച്ചെത്തിയത്. ആദ്യ രണ്ടു റൗണ്ടുകളിൽ മാഗ്നസ് കാൾസനോടും അർജുൻ എരിഗെയ്സിയോടും ഗുകേഷ് തോൽവി വഴങ്ങിയിരുന്നു. ഗുകേഷിന്റെ 19–ാം ജന്മദിനമായിരുന്നു ഇന്നലെ.
സ്വർണജ്യോതി! ഇന്നലെ ഇന്ത്യയ്ക്ക് 6 മെഡൽ,വനിതാ ലോങ്ജംപിൽ ആൻസി സോജന് വെള്ളി

കുമീ (ദക്ഷിണ കൊറിയ) ∙ സ്റ്റാർട്ടിങ് പിഴച്ചു; 50 മീറ്റർ പിന്നിടുമ്പോൾ മെഡൽ സാധ്യതയ്ക്ക് ഏറെ പിന്നിൽ. എന്നിട്ടും അവസാന നിമിഷങ്ങളിലെ അവിശ്വസനീയ കുതിപ്പിൽ സ്വർണമണിഞ്ഞ് ഇന്ത്യയുടെ ജ്യോതി യാരാജി. ഏഷ്യൻ അത്‍ലറ്റിക്സ് ചാംപ്യൻഷിപ്പിൽ വനിതകളുടെ 100 മീറ്റർ ഹർഡിൽസിലായിരുന്നു ആന്ധ്രപ്രദേശുകാരി ജ്യോതിയുടെ വിസ്മയ പ്രകടനം. 12.96 സെക്കൻഡിൽ പുതിയ ചാംപ്യൻഷിപ് റെക്കോർഡ് കുറിച്ച് ജ്യോതി ഫിനിഷ് ലൈൻ തൊട്ടു. ഇന്നലെ ഇതടക്കം ഇന്ത്യ സ്വന്തമാക്കിയത് 3 സ്വർണവും 2 വെള്ളിയും ഒരു വെങ്കലവും. വനിതകളുടെ 4–400 റിലേ ടീമും 3000 മീറ്റർ സ്റ്റീപിൾ ചേസിൽ അവിനാഷ് സാബ്‍ലെയുമാണ് മറ്റു സ്വർണ ജേതാക്കൾ. വനിതാ ലോങ്ജംപിൽ മലയാളി ആൻസി സോജൻ വെള്ളി നേടി.
നോർവേ ചെസിൽ ലോക ചാംപ്യൻ ഇന്ത്യയുടെ ഡി.ഗുകേഷിന് രണ്ടാം തോൽവി; വീഴ്ത്തിയത് ഇന്ത്യയുടെ തന്നെ എരിഗെയ്സി

സ്റ്റവാങ്ങീർ (നോർവേ) ∙ നോർവേ ചെസിൽ രണ്ടാം തോൽവി ഏറ്റുവാങ്ങി ലോക ചാംപ്യൻ ഇന്ത്യയുടെ ഡി.ഗുകേഷ്. ഇന്ത്യയുടെ തന്നെ ലോക 4–ാം നമ്പർ താരം അർജുൻ എരിഗെയ്സിയാണ് ഗുകേഷിനെ വീഴ്ത്തിയത്. മറ്റൊരു മത്സരത്തിൽ ‍ നോർവേയുടെ മാഗ്നസ് കാൾസനെ യുഎസ് താരം ഹികാരു നകാമുറ സമനിലയിൽ പിടിച്ചു. ആദ്യ ദിവസം ഗുകേഷിനെ കാൾസൻ തോൽപിച്ചിരുന്നു.
ഏഷ്യൻ അത്‍ലറ്റിക്സിൽഇന്ത്യൻ കുതിപ്പ്; ഇന്നലെ ഇന്ത്യയ്ക്ക് 6 മെഡലുകൾ, മിക്സ്ഡ് റിലേയിൽ സ്വർണം

കുമീ (ദക്ഷിണ കൊറിയ) ∙ ഒരു ദിവസത്തിനിടെ 6 മെഡലുകളുമായി ഏഷ്യൻ അത്‍ലറ്റിക്സ് ചാംപ്യൻഷിപ്പിൽ കുതിപ്പ് തുടർന്ന് ഇന്ത്യ. മിക്സ്ഡ് റിലേയിലാണ് ഇന്നലത്തെ ഏക സ്വർണം. രൂപൽ ചൗധരി (വനിതാ 400 മീറ്റർ), പ്രവീൺ ചിത്രവേൽ (പുരുഷ ട്രിപ്പിൾ ജംപ്), പൂജ (1500 മീറ്റർ), തേജസ്വിൻ ശങ്കർ (ഡെക്കാത്‍ലൺ) എന്നിവർ വ്യക്തിഗത ഇനങ്ങളിൽ വെള്ളി നേടിയപ്പോൾ പുരുഷ 1500 മീറ്ററിൽ യൂനുസ് ഷാ വെങ്കല മെഡലും സ്വന്തമാക്കി. 2 സ്വർണമടക്കം ആകെ 8 മെഡലുകളുമായി പോയിന്റ് പട്ടികയിൽ മൂന്നാംസ്ഥാനത്താണ് ഇന്ത്യ. ചൈനയും ജപ്പാനുമാണ് ആദ്യ 2 സ്ഥാനക്കാർ.
ഏഷ്യൻ അത്‌ലറ്റിക് ചാംപ്യൻഷിപ്: ഗുൽവീറിന് സ്വർണം, ആദ്യ ദിനം ഇന്ത്യയ്ക്ക് 2 മെഡൽ

കുമീ (ദക്ഷിണ കൊറിയ)∙ ഏഷ്യൻ അത്‍‌ലറ്റിക് ചാംപ്യൻഷിപ്പിന്റെ ആദ്യ ദിനം ഇന്ത്യയ്ക്ക് രണ്ടു മെഡൽ. പുരുഷൻമാരുടെ 10,000 ഓട്ടത്തിൽ ദേശീയ റെക്കോർഡ് ഉടമ കൂടിയായ യുപി സ്വദേശി ഗുൽവീർ സ്വർണം നേടിയപ്പോൾ പുരുഷൻമാരുടെ 20 കിലോമീറ്റർ റേസ് വോക്കിൽ തമിഴ്നാട് സ്വദേശിയായ സെർവിൻ സെബാസ്റ്റ്യൻ വെങ്കലം സ്വന്തമാക്കി. മെഡൽ പട്ടികയിൽ നിലവിൽ രണ്ടാം സ്ഥാനത്താണ് ഇന്ത്യ. 5 സ്വർണവും 2 വെള്ളിയുമടക്കം 7 മെഡലുമായി ചൈനയാണ് ഒന്നാമത്. വനിതാ ജാവലിനിൽ മെഡൽ പ്രതീക്ഷയായിരുന്ന അന്നു റാണി നാലാം സ്ഥാനത്തായി.

Results 1-25 of 4586

ADVERTISEMENT

ADVERTISEMENT

ADVERTISEMENT

ADVERTISEMENT