വെഞ്ഞാറമൂട് കൂട്ടക്കൊലപാതകം: അവസാന കേസിലും കുറ്റപത്രം സമർപ്പിച്ചു

വെഞ്ഞാറമൂട്(തിരുവനന്തപുരം)∙ കൂട്ടക്കൊലപാതക കേസിൽ അവസാന കുറ്റപത്രവും അന്വേഷണ സംഘം സമർപ്പിച്ചു. വെഞ്ഞാറമൂട് പേരുമല സൽമാസിൽ അഫാൻ(25) സുഹൃത്തിനെയും ഉറ്റ ബന്ധുക്കളെയും അടക്കം 5 പേരെ കൊലപ്പെടുത്തിയ കേസിലെ മൂന്നാമത്തെ കുറ്റപത്രമാണ് സമർപ്പിച്ചത്. പ്രതി അഫാന്റെ ഇളയ  സഹോദരൻ അഹ്സാൻ, സുഹൃത്ത് ഫർസാന എന്നിവരുടെ കൊലപാതകത്തിലും മാതാവിനെ കൊലപ്പെടുത്താൻ ശ്രമിച്ച കേസിലുമാണ് കുറ്റപത്രം. നെടുമങ്ങാട് സബ് ജുഡീഷ്യൽ മജിസ്ട്രേട്ട് ഒന്ന് മുൻപാകെ അന്വേഷണ ഉദ്യോഗസ്ഥൻ വെഞ്ഞാറമൂട് എസ്എച്ച്ഒ ആർ.പി.അനൂപ് കൃഷ്ണയാണ് കുറ്റപത്രം സമർപ്പിച്ചത്.