പുത്തൻ മാറ്റങ്ങളോടെ ആപ്പിൾ; ഇനി നമുക്കു വേണ്ടി ഐഫോൺ കോളെടുക്കും! ലുക്ക് മാറി ‘ലിക്വിഡ് ഗ്ലാസി’ലേക്ക്; ഐഒഎസ് പേരും മാറി

‘ഉപഭോക്താക്കളോട് അവർക്കെന്താണു വേണ്ടതെന്നു ചോദിച്ച് അത് നിർമിച്ചു നൽകിയിട്ടു കാര്യമില്ല. അവര്‍ ആവശ്യപ്പെട്ടത് നിങ്ങൾ നിർമിച്ചു വരുമ്പോഴേക്കും അവരുടെ ആവശ്യം മാറിയിട്ടുണ്ടാകും; അപ്പോൾ പുതിയ എന്തെങ്കിലുമായിരിക്കും അവർക്കു വേണ്ടത്’ - ആപ്പിൾ സ്ഥാപകൻ സ്റ്റീവ് ജോബ്‌സിന്റെ ഈ വാക്കുകൾ കമ്പനിയുടെ പുതിയ അമരക്കാരുടെയും വിജയമന്ത്രമായിരിക്കണമല്ലോ! അതുകൊണ്ടായിരിക്കണം വാർഷിക ഡവലപ്പർ കോൺഫറൻസില്‍ (The Apple Worldwide Developers Conference 2025) ഇത്രയേറെ ‘പുതിയ’ കാര്യങ്ങൾ ആപ്പിൾ കൊണ്ടുവന്നത്. വർഷങ്ങളായി മാറാതിരുന്ന പലതും മാറിയിരിക്കുന്നു. അതിൽ പേരിലെ ചെറുമാറ്റം മുതൽ സോഫ്റ്റ്‌വെയറിലെയും ഏറ്റവും പുതിയ ആർട്ടിഫിഷ്യൽ ഇന്റലിജൻസിലെയും വരെ മാറ്റമുണ്ട്. എന്തെല്ലാം കാര്യങ്ങളാണ് വാർഷിക ഡവലപ്പർ കോൺഫറൻസില്‍ (WWDC2025) ആപ്പിൾ പ്രഖ്യാപിച്ചിരിക്കുന്നത്? എന്തെല്ലാമാണ് സാങ്കേതികതയിലെ പ്രധാന മാറ്റങ്ങൾ? അപ്ഡേഷനുകൾ എന്നു മുതൽ ലഭ്യമാകും? ഡവലപ്പർമാർക്കായി പുതിയ എന്തെല്ലാം സംവിധാനങ്ങളാണ് ആപ്പിൾ വാഗ്ദാനം ചെയ്യുന്നത്?